陳展鵬赴澳洲任華姐評判 奉獻酬勞請假冧老婆視帝陳展鵬日前出發到澳洲為今屆華裔小姐擔任評判及表演嘉賓，他指今屆華姐質素非常之高，更Tip中3甲。展鵬已有7、8年沒有到當地，今次更專登請了多日假與太太單文柔(Phoebe)到那兒過浪漫的情人節，他受訪時幽默的謂:「我好多年冇去澳洲，今次公司安排得好好，之前每次都來去匆匆，我請咗幾日假同Phoebe喺度玩，忙裏偷閒，呢度天氣非常之好。之前結咗婚都未有時間去度蜜月，呢幾年大家都辛苦，又要做嘢，又要照顧小豬比，今次當係畀住啲『利息』先！啲利息都好貴㗎！已經將今次嘅酬勞擺晒喺個TRIP度。」陳展鵬為澳洲華姐擔任評判及表演嘉賓。單文柔首次到澳洲，展鵬帶她去跟樹熊抱抱。二人去了悉尼歌劇院同海港大橋遊覽。 之前於當地過情人節，好sweet呀！展鵬於當地有不少朋友，大家都很好客，帶他們去吃海鮮及遊覽，展鵬謂:「朋友帶我哋去食海鮮，呢度啲中餐館水準比之前更加高，我哋都出咗海同去酒莊參觀，因為Phoebe第一次嚟，我帶咗佢去抱樹熊同袋鼠BB。」Phoebe受訪時表示之後會盡情享受陽光與海灘，她說:「我一直都好想嚟澳洲，知道呢度有好多好靚嘅沙灘，所以之後都Plan咗會去，今次呢個Trip係橫跨咗情人節，所以情人節我哋都會喺澳洲過，雖然展鵬成日都話未度蜜月，但好似今次咁已經好開心。」二人於澳洲大擦海鮮，吃盡當地美食。嘩！啲藍苺好多好大粒呀！單文柔表示會去享受陽光海灘。陈展鹏单文柔
陳展鵬赴澳洲任華姐評判 奉獻酬勞請假冧老婆
