非一般撞樣 謝霆鋒莫文蔚「大婚」網友Like爆坊間時不時都會有素人長得一副明星臉，即係佢哋同藝人撞樣，有人更因而爆紅成為KOL搵大錢，早前就有劉亦菲「結婚片段」曝光，網友睇到津津有味，估唔到依家仲有個進階version，今次仲要係打孖嚟！近日四川有一對新人結婚，點知當日片段中二人竟意外神似謝霆鋒同莫文蔚合體，「謝莫大婚」令人笑爆嘴。當中新娘子臉型長而窄，五官分明又精緻，細長眼睛加豐滿嘴唇，笑起竟然同莫文蔚撞晒樣；新郎亦五官端正，加上佢一頭三七分中長髮，眉宇間帶點憂鬱Feel，佢仲雙手插袋側晒身，全程微笑Chok樣望鏡頭，難怪被網友封佢為「低配版謝霆鋒」。Hihi，一對新人望吓呢邊！真係好似謝霆鋒同莫文蔚。網友話係低配版。呢個先係正版莫文蔚。低配版新郎同霆鋒一樣咁Chok。正到呢！
非一般撞樣 謝霆鋒莫文蔚「大婚」網友Like爆
