王鎮泉結婚｜譚俊彥向新郎哥傳授生仔秘笈：飲多兩杯無綫《娛樂新聞台》男主持王鎮泉（Jeoffrey）今日（27/2）與女友Vanilla正式拉埋天窗，於九龍灣舉行婚宴，並廣邀圈中好友一同分享喜悅。中午12時許，譚俊彥（Shaun）亦有到場祝賀：「其實我同Jeoffrey都識咗好耐，加上大家又係同事，佢又經常訪問我。而我好道得我攞視帝嗰年，佢係攞咗個蛋糕俾我，令我好驚喜，呢啲係我同佢嘅一啲點滴回憶。而佢係我心目中係一個好好嘅男仔，因為佢每次嚟我餐廳度食嘢，佢都會留好多嘢食俾佢女朋友，仲會成日接佢女朋友收工。當佢同我講佢要結婚，真係好戥佢開心。」譚俊彥今日出席王鎮泉婚禮，大讚新郎王鎮泉為人細心。（葉志明攝）被問到會否傳授生仔秘笈結對方？Shaun笑言：「叫佢飲多兩杯就得，因為我都有問過我朋友，佢係話咁就好快生咗兩個小朋友。不過始終每個人都唔同，有啲人飲多兩杯，食多兩啖嘢，只要兩個人有愛就會好快搞掂。」譚俊彥今日出席好友王鎮泉婚禮。（葉志明攝）#王镇泉#谭俊彦
王鎮泉結婚｜譚俊彥向新郎哥傳授生仔秘笈：飲多兩杯
