孖佘詩曼破天荒合唱《越難越愛》 林峯約定再演情侶視后佘詩曼早前與林峯合體，亮相內地節目《我們的客棧》，重演當年合作劇集《使徒行者》後巷表白嘅經典一幕，令劇迷直呼回憶返晒嚟！但原來好戲在後頭，昨日無綫與內地平台合力打造嘅綜藝節目《無限超越班》於內地播出最後一集，林峯不但再度驚喜現身力撐阿佘，2人更破天荒合唱《使》經典插曲《越難越愛》，深情演繹令一幕幕經典畫面即時浮現，相當感動！與此同時，佢哋更相隔9年再度合作演出短劇《如夢》，有別以往裝扮，今次以6、70年代造型示人，阿佘化身包租婆，同林峯鬥氣再做歡喜冤家，獲得全場觀眾大讚。佢哋就笑指已合作過5次有晒默契，被問到若下次再合作想演咩，林峯即表示：「還是演我女朋友吧！最舒服自在！」阿佘即時冧到爆。另外，阿佘現正拍攝無綫新劇《NEWS新聞女王》，有份參演嘅林正峰於社交網晒出與阿佘及高海寧（高Ling）嘅合照，見素顏上陣嘅阿佘，皮膚狀態仲好過在旁化咗淡妝嘅高Ling，果然保養得宜。林峯佘詩曼再合體。合唱《越難越愛》。又合演短劇。以6、70年代造型示人。再做歡喜冤家。默契十足。阿佘素顏上陣，皮膚狀態都好過有化妝嘅高海寧。林峯佘诗曼
孖佘詩曼破天荒合唱《越難越愛》 林峯約定再演情侶
