隱形戰隊｜馬明屎滾如廁被詩詠拍片 高聲低吼減壓釋放笑爆嘴集集都有唔少精彩場面出現嘅《隱形戰隊》當中，「視帝」馬國明喺第一集播出就被劉佩玥搞笑色誘，而佢演繹出嘅角色Ocean，喺18號一集就出現肚痛難忍仲慘被威脅嘅苦況，馬明不計形象演繹嘅 又驚又嬲仲非常尷尬嘅綜合搞笑表情。劇情講到寶寶( 唐詩詠 Natalie tong 飾)喺囡囡( 林子善DrLam 飾)冋嬌姐( 程可為 飾)夾計下，不知就裏地搬入 Ocean屋企對面單位，而呢個單位仲係嬌姐同Ocean做業主。 一日Ocean因為絞肚痛又冇帶鎖匙有家歸不得，肚痛難忍嘅佢惟有衝入對面單位如廁。Ocean以為單位冇人，所以邊如廁邊抑揚頓挫呼喚釋放絞肚嘅巨龍，令打掃中嘅寶寶大驚踢門，直衝洗手間準備擒拿「變態佬」。但當寶寶發現「變態佬」原來就係Ocean時，竟即時以手機拍下對方如廁窘態，嚇到Ocean先係天然呆，醒覺後想搶返寶寶手上「罪證」，可惜不得要領，只能掩臉遮醜為自己作最後辯解。而一向演出唔少有型角色嘅馬明就笑言，自己並非刻意豁出去，佢話：「我不嬲冇偶包，場戲都係想觀眾開心吓，因為劇入面好多緊張打鬥戲，所以間唔中要有啲場口畀大家輕鬆吓。我都 係跟劇本做，何況演員係應該冇偶像包袱嘅，因為我係一個演員。」馬明仲話呢場戲拍攝時有著短褲打底，所以絲毫冇尷尬，但係就忍唔到笑喇。提到劇集出街後獲觀眾大讚有型，馬明仲話連身邊朋友也有同樣睇法，又感激監製令自己角色上有突破：「佢哋話：『我從來都唔知你咁有型嘅』，都係好開心嘅， 今次呢個劇話唔定可以幫我轉型，唔使成日都係演啲斯文角色，譬如醫生咁。作為一個演員當然希望有多啲唔同戲路，自己駕馭同演繹到而觀眾又鍾意啦。其實所有幕後工作人員無名嘅付出，先至令 我哋幕前嘅演員咁有型，所以真係好多謝、好多謝佢哋。」對於 Ocean「失眠」 設定成功入屋，馬明亦都開心話：「我自己睇劇本時都覺得呢個設計幾好笑，可能因為佢對詩詠有啲內疚，話唔定就係呢個潛意識，令佢每次聽到詩詠鬧佢，佢就 會覺得少咗啲罪疚感，所以好瞓啲。我拍呢段戲都幾開心，每次我撩㷫詩詠，跟住錄佢音，然後就瞓得好冧，全部都好好笑同得意。」隐形战队kennethma马国明
隱形戰隊｜馬明屎滾如廁被詩詠拍片 高聲低吼減壓釋放笑爆嘴
