曾比特致敬張國榮 唱《有誰共鳴》有壓力歌手曾比特（Mike）今日（31日）出席紀念張國榮（哥哥）分享會，他現場演唱哥哥經典金曲《有誰共鳴》，他透露歌曲經重新改編，加入電子風格，而他首次接觸哥哥的影視作品是中學時期上堂觀看《胭脂扣》。問到演唱哥哥歌曲是否有壓力？他說：「壓力一定有，今次歌曲經全新改編及以新角度去演繹，希望大家鍾意同滿意，我覺得唔係比較，而係致敬。（首歌係你選？）唔係，係公司覺得我好適合，我都好鍾意呢首歌，好經典。（以前有冇聽過哥哥嘅歌？）有，我入行時有唱過佢嘅歌，我最鍾意《有心人》，以前我做婚禮歌手時好多人要求我唱呢首歌，以前我自學彈琴時嘅一首歌。」他稱看過不少哥哥的訪問，亦從前輩口中聽到對方的生前軼事，大讚對方是位專業歌手及演員，而私下風趣好玩的人：「每個人提起佢，都係帶住笑容，訪問佢嘅人都係好開心，好有魔力同魅力，感染到身邊所有人，希望我都可以做到。（有冇後悔冇早啲出道？）冇，冥冥之中早有安排。」曾比特致敬張國榮。已故巨星張國榮。曾比特
曾比特致敬張國榮 唱《有誰共鳴》有壓力
