「橙盒」當裝飾 蔣家旻忽然富貴狂晒超豪包包「反骨琪」蔣家旻今年初於無綫頒獎禮摘下「最佳女配角」，成功入屋嘅佢，上月就即興歐遊玩足半個月，近日就被指佢忽然富貴，平時好踏實嘅佢，今次歐遊狂晒多個名牌包包，個個價值不菲，更有貴格品牌嘅招牌「橙盒」做聖誕樹裝飾，成個富婆咁！今次佢已經豪花6位數歐遊，豪遊之餘，身上仲多咗好多天價手袋、首飾，佢仲忽變品牌愛好者，佢收藏手袋款中，包括有價值約72,000元嘅紅色細袋仔、約38,400元嘅系列經典焦糖色「豬鼻包」，款式雖然低調，但格價就一啲都唔低！有網友仲發現早喺佢台灣之旅時，就已經見過黑色配金扣手、價值約為31,000元嘅包包，加埋大大小小配飾如皮帶、純銀首飾、圍巾、吊飾等，去年聖誕節佢屋企棵聖誕樹下仲擺放最少10個「橙盒」，忽然升呢做富婆！蔣家旻啲盒多到呢！周身都係同品牌嘅配飾。普通一個袋仔都3萬幾蚊。歐遊已經用咗6位數。仲未計佢啲手袋幾錢。唔知有冇乘機入貨呢？蒋家旻
「橙盒」當裝飾 蔣家旻忽然富貴狂晒超豪包包
