馮盈盈終極走出雪櫃 監製親證《逆天奇案2》好重戲前港姐冠軍馮盈盈曾傳因犯下3宗罪而被無綫雪藏，自此工作量大不如前，近2年只拍過一部戲集，最近更要喺綜藝節目犧牲色相扮醜示人。而佢當年有份演出嘅話題劇集《逆天奇案》，早前宣布開拍續集，但於演員名單上「被消失」，一度傳出被Foul出局，近日再有新消息，《逆》監製之一陳志江於社交網透露續集正式啟動，並罕有標籤咗馮盈盈，但未幾又突然刪走發文，即惹起揣測。不過另一監製@劉家豪GH 就親證馮盈盈會參演續集，指已經定晒造型，同上集同樣重戲份，而且會一改「國民妖精」形象，角色變得正面，希望觀眾會鍾意番佢。馮盈盈當年演《逆天奇案》好出位。同陳展鵬呢場戲成為經典！近日終於證實佢有得拍續集。今次唔使再做「國民妖精」。有望洗底！逆天奇案冯盈盈
馮盈盈終極走出雪櫃 監製親證《逆天奇案2》好重戲
