黃宗澤餐廳裝修後再開張　揸超跑撐場貴氣十足

黃宗澤餐廳裝修後再開張　揸超跑撐場貴氣十足藝人黃宗澤（Bosco）疫情期間為餐廳進行裝修，日前再度開張，Bosco安排2部名貴跑車到場，其中一架更係古董超跑，由外國購入，屬展品級，價值不菲。之後Bosco與一眾員工齊齊切乳豬影大合照，場面熱鬧。員工亦勁like老闆疫情間不離不棄，大家笑得非常開心。而Bosco亦非常貼心，與一直守候佢嘅粉絲團影相，更分享切好嘅乳豬畀粉絲食，感謝佢哋到場支持，非常有愛。而Bosco接受東網訪問表示：「開業目標係想追番之前3年失去嘅生意，目標係搵8位數，初頭覺得冇可能做到，但後來計一計其實有機會做到，所以依家嘅目標係一年搵過千萬。」而問到佢做咩唔請藝人開張，佢就表示：「費事騷擾到其他藝人，又要影相，唔想麻煩到佢哋。今次都係請番啲熟客，開個小Party慶祝。」而問到「超跑」嘅價錢，佢就笑言：「錢嘅嘢唔好提，主要畀大家打吓卡。」黃宗澤（Bosco）疫情期間餐廳裝修後，日前再度開張。Bosco安排2部名貴跑車到場。其中一架更係古董超跑，由外國購入，價值不菲。之後Bosco與一眾員工齊齊切乳豬影大合照。場面好熱鬧！黄宗泽