TVB最型小生︱陳展鵬大比數拋離稱帝 吳偉豪靠父蔭？早前網上發起「TVB最靚花旦排行榜」投票，依家就嚟到民選「TVB最型小生排行榜」投票活動，不過相較上次有成逾600人參與，今次僅得近80人參加，票池細幾倍，不過都無損網民雅興，前後共有20位老中青小生齊集，任君選擇。當中，視帝陳展鵬以15票穩坐帝位，本身觀眾緣出眾嘅佢，今次壓倒性跑出大家都唔意外，加上佢好爸爸形象深入民心，而佢喺剛大結局嘅劇集《隱形戰隊》入面表演出色，令觀眾對佢嘅好感度大大提高。恭喜晒陳展鵬！父愛入屋，網民更like！亞軍則為11票嘅羅天宇，本身由《香港先生選舉》出身嘅佢，外形自然有Quality，難怪拎到第二名；季軍由真人騷《中年好聲音》大熱門吳大強仔仔、小鮮肉吳偉豪奪得，網民笑指依家爸爸人氣、呼聲一樣高，帶挈埋吳偉豪一齊入屋，成為第三名；梗頸四則由視帝譚俊彥奪得。羅天宇係「港男」出身。自然有受眾群。吳偉豪被笑指靠「父蔭」入圍。陈展鹏谭俊彦罗天宇
TVB最型小生︱陳展鵬大比數拋離稱帝 吳偉豪靠父蔭？
