姜皓文蒙眼跑驚到慌 奶茶飲到碌地考演技藝人姜皓文（黑仔）今日現身活動開幕禮，他戴上眼罩體驗視障人士跑步，每日都會跑步的他自言曾試過跑到休克，但跑到心慌還是第一次，由於完全看不見，感覺十分緊張，他透露自己有幽閉恐懼症，對太狹窄及太黑的環境會感到不舒服：「我搭飛機唔可以搭太耐，喺酒店瞓要開燈，就算喺屋企瞓都要開住電視，記得有次拍攝火燭場面，拍完會氣喘，所以蒙眼跑對我係有啲壓力，雖然有個領跑員帶住我，但我好驚撞到人，今次係好難得體驗。」黑仔自己好怕黑。跑到心慌慌。人生第一次蒙眼跑。另外，提到他在劇集《極度俏郎君》其中一幕，飲奶茶飲到又喊又碌地，有網友讚大受感動，但有人認為太誇張，黑仔坦言初時並非如此演繹，只是應導演要求：「因為講個角色廿幾年後喺同一個茶檔飲番同一杯奶茶，想個效果震撼啲，所以就咁做，咁當然好難滿足到所有觀眾，因為套劇係比較抽離，唔想演得太沉重，想畀觀眾有新鮮感，誇張部分應該完咗，後尾會有感動位，希望大家支持。」黑仔話後尾會好感人。姜皓文
姜皓文蒙眼跑驚到慌 奶茶飲到碌地考演技
