周勵淇自爆曾經作小產 出血以為嚟M靠打針安胎藝人周勵淇於2018年忽然閃婚，下嫁內地演員傅浤鳴，並於2020年誕下一子。懷孕期間一直保持低調嘅佢，近日拍片重提佗B難忘事，自爆原來懷孕初期曾經作小產，難怪當時急急停工安胎，並對BB嘅事封口不提，相信係「怕小器」！佢憶述當時並不知自己懷孕：「當我知道自己懷孕嘅時候，其實已經過咗兩個月，我好驚因為嗰時我仲拍緊嘢，咁點解我唔知呢？因為我本身仲有Period（月經），但又Check到真係有，因為呢啲叫作小產，因為唔係好穩定，所以有啲出血，我唔知仲以為係Period。」周勵淇育有1子。原來當時佢唔知自己懷孕。以為嚟M，點知原來係作小產出血。好彩BB穩定成長。佢續指得知有BB首兩個月即全心安胎，當時因擔心BB安全而心情非常低落：「嗰陣要打一啲學術性嘅嘢，我哋叫安胎針，叫我唔好郁，瞓喺張床度，依家未正式踏入懷孕穩定，呢兩個月我覺得係人生最徬徨，因為冇嘢可以做到，只能靠佢自己生唔生長到。」幸好最後BB穩定成長，但佢仍打醒十二分精神，一改活潑個性，又保持均衡飲食，直至懷孕6個月時出現便秘問題，佢即向同期懷孕嘅楊茜堯求救，試食麒麟果後即有改善。周勵淇遇便秘問題向楊茜堯請教。大談媽媽經。周励淇
周勵淇自爆曾經作小產 出血以為嚟M靠打針安胎
