【晴報】陳展鵬夫妻檔吸金狂放閃 單文柔「誇誇群」上身狂讚老公︰靚到似整過陳展鵬（煎Pang）前晚與太太單文柔（Phoebe）以代言人身份出席醫學美容中心周年晚宴，煎Pang透露首次夫妻檔搵銀，酬勞是開心價。單文柔大讚老公陳展鵬完美。(大會提供)（左起）單文柔、陳展鵬、王馨平和林漪娸盛裝出席晚宴。(大會提供)席間陳展鵬兩公婆不停放閃，Phoebe大讚丈夫皮膚好︰「佢（煎Pang）做咗代言之後，皮膚好咗好多，所以我唔介意佢被人（美容師）摸勻塊面。」她更為煎Pang的整容傳聞大平反，大爆美容師之前以為煎Pang整容變靚，原來貨真價實，親證丈夫從未後期加工。Phoebe繼續誇讚︰「佢以前不羈、man啲，依家就精緻啲，身形同狀態都100分，水腫時就得90分。」單文柔和陳展鵬為醫美中心拍攝廣告硬照。(單文柔IG)而被太太捧到上天的煎Pang，則透露太太身穿的低胸透視晚裝，是由他挑選，提到晚裝下身透視好性感，煎Pang即冧妻︰「唔緊要啦，佢下半生都交咗畀我！（錫埋下半身？）我會好好照顧佢下半生，錫就錫全身嘅！」撰文：梁紹明陈展鹏单文柔
【晴報】陳展鵬夫妻檔吸金狂放閃 單文柔「誇誇群」上身狂讚老公︰靚到似整過
