蔡思貝隔10年再飛英國 臨時受命唔夠1日即起程視后蔡思貝日前現身機場，離港出發飛往英國，佢喺社交網大晒短片，見佢一支公起行，全程自拍記錄，喺上機前佢仲事先拉定筋，為搭14個鐘長途機做足準備，鏡頭一轉，話咁快佢就抵達倫敦希思路機場，拖住行李出閘，心情興奮。蔡思貝出發飛英國。獨自1人起程。全程自拍記錄。上機前拉定筋。搭14個鐘長途機。終於到埗。蔡思貝接受東網訪問，透露其實此行係拍攝旅遊節目《貝遊英倫》，但有別以往與工作人員一同出發，今次竟然係單拖搭飛機，到埗後先同當地嘅攝製隊會合，令佢大感新奇，佢又表示：「對上一次去英國，已經係喺德國讀大學嗰陣放假順便去旅行，都有10年冇返去，所以我都好期待。」另外，佢指今次突然收到通知出發，故事前籌備只得唔夠1日嘅時間，除收拾行李外，亦有參與計劃行程，預計將會朝聖英格蘭足總盃。其實佢此行係去拍節目。到達當地先與英國攝製隊會合。對上一次去英國已係10年前讀書時。蔡思贝
蔡思貝隔10年再飛英國 臨時受命唔夠1日即起程
