溫裕紅逝世丨林建明透露溫裕紅近月病情急轉直下「都叫係解決」 去年舉辦永別派對資深藝人溫裕紅(Esther)於5月19日安詳離世，終年54歲。溫裕紅對上一次現身已是去年4月林建明的飯局，一齊食泰國菜，當時見溫裕紅戴上頭巾，而且身形消瘦。今日林建明接受《星島頭條》獨家訪問，她大讚好友是抗癌戰士！【點擊睇溫裕紅最後身影】：溫裕紅2005年不幸確診患上乳癌，當時她積極接受治療。後來溫裕紅痊癒後，繼續演藝工作。與同樣曾身患亂癌的林淑敏成為好友。患病期間，老公一直陪伴在側。林建明去年4月底貼出與溫裕紅食泰國菜的照片，相中見溫裕紅戴上七彩頭巾，身形、臉容消瘦，不過笑容燦爛，當時林建明留言說：「可以聚的話，就多聚聚吧！」沒想到現在溫裕紅驟然離世，談到與好友的往日情，大姐明說：「我同阿紅（溫裕紅）識咗好幾年，係打羽球嘅波友，其實佢呢幾年成日都出出入入醫院，可以講係抗癌戰士，真係好叻，做手術就喺醫院，好啲就出嚟打吓波、食吓飯，不過佢自己都心裡有數，去到後期真係好辛苦。」看見好友的情況，大姐明亦坦言有心理準備：「佢近呢個月都喺醫院，我啲波友都有去探過佢，但係我呢排唔係好舒服，只係同佢facetime，情況都好差，不過佢都好叻，拖咗好多年，而家都叫係一個解決。」大姐明還稱去年溫裕紅舉行了一個生日派對，當時以為是最後一次：「佢請晒所有同學兼朋友，搞咗一個可以叫做永別嘅party，但係好在又過咗一年，今次佢自己都知道。」至於後事方面，大姐明說：「佢已經安排好晒，都咁多年，後期真係好辛苦，有晒心理準備，屋企人都知道，唔緊要喇，去到呢個年紀，日日都有識嘅朋友過世，生老病死，唔緊要，去第二度再嚟過。」林建明#温裕红#
溫裕紅逝世丨林建明透露溫裕紅近月病情急轉直下「都叫係解決」 去年舉辦永別派對
