【晴報】黃嘉樂喊住感激監製給予演出機會 爆太太愛追看其親吻戲：又要嬲又要睇黃嘉樂和趙璧渝今日出席劇集《法言人》祝捷會，嘉樂在台上多謝監製劉家豪給予機會他發揮，而趙璧渝則表示沒想過自己會多戲份，既感到壓力，又擔心做得不夠好，兩人邊講邉喊，十分激動。對於在台上激動灑淚，嘉樂笑指：「最衰係佢（趙璧渝），講啲咁認真嘅嘢！」趙璧渝則表示：「佢頭先突然好真誠，觸動咗我，套劇有呢個成績，我每次講起都想喊。」嘉樂則透露趙璧渝開工時已有壓力，他說：「佢成日好緊張問做得好唔好，我話我都好緊張。」問嘉樂是否等了多年才有演出機會？他說：「係呀，真心多謝家豪哥，一路比咗好多機會我，直頭係有舖排，一套比一套多戲份，而開頭都有啲壓力，拍攝中途比自己角色感染咗，變得更加開心，當然變得開心最大原因係我太太。（太太腳頭好？）絕對係，由拍拖去到我成為演員，佢陪我睇番套劇，仲話做乜抄佢啲小動靜。」期間趙璧渝更爆料：「嘉樂太太好好，佢會cap低啲相，仲問點解冇咀戲，好彩佢好大方，唔介意。」嘉樂亦大爆：「佢好鍾意睇我拍kiss戲，又要嬲又要睇。（佢想知係咪佢好咀啲？）呢啲自己識答啦！」撰文：倪小珊採訪：黃寶蓮攝影：林良明法言人黄嘉乐赵璧渝
【晴報】黃嘉樂喊住感激監製給予演出機會 爆太太愛追看其親吻戲：又要嬲又要睇
