王鎮泉出Trip變形金剛首映禮 意外重回求婚景點無綫娛樂主播王鎮泉（泉泉），近日飛往新加坡採訪荷里活電影《變形金剛：狂獸崛起》全球第一個首映禮。身為金剛粉絲的他，自然未出發先興奮，隨即將《變形金剛》頭六集的電影重溫一次，以做好採訪準備。未出發先興奮。談到今次新加坡之行，泉泉開心表示：「見到現場有一個一比一嘅「幻影」機械人非常興奮。紅地氈期間，天公不造美，幾秒間突然落起暴雨，原來經常會係咁，當地有位攝影師仲同我講咗句「welcome to Singapore」，當時全部人撤離紅地氈，淨得我同自己嘅攝影師留守，俾我哋見到雨後彩虹。條彩虹真係好靚，啲雨吹散煙霞，之後到紅地氈重新開始時放煙花仲好浪漫！」竟然見到彩虹。寓工作於娛樂。原來去年泉泉便是於新加坡求婚成功：「不過求婚喺頂樓（即是彩虹隔籬嗰個天台），今次就喺紅地氈。我都有即刻影相傳俾太太，新加坡呢個地方為我哋嚟講好有意義。」求婚地方好靚呀！#王镇泉#
王鎮泉出Trip變形金剛首映禮 意外重回求婚景點
