陳法蓉希望衝擊視后：有得提名當贏咗！無綫劇集《一舞傾城》演員陳法蓉、姚子羚、蔡潔、楊明、關楚耀等，今晚（13日）在銅鑼灣食飯齊齊睇大結局。昨晚（12日）播出陳法蓉哭別唐文龍戲份，觀眾激讚感人，陳法蓉說：「自己尋晚一路睇都一路喊，收到好多短訊大家都話睇到喊，大家都覺得好難過，其實對上一次拍結婚戲，叻哥（陳百祥）都係死。」她指今次能夠演繹沙律媽覺得已經賺晒，除了要到內地拍攝真人騷，更會在港拍攝廣告。講到角色帶挈豬籠入水？她說：「唔係，大家鍾意除咗賺錢之外，亦都有愛嘅成分。」以波鞋示人的她透露近期再在家弄傷腳趾，導致腳趾骨裂，她說：「呢排實在太攰，飛嚟飛去。」沙律媽角色受歡迎，陳法蓉坦言希望有機會提名「視后」，她說：「最初幕後同事話有機會如提名視后，自已覺得有得提名已經當贏咗，到時一定會返嚟。」講到劇集有彈有讚，她說：「每個人都有自己嘅諗法，冇啱同錯，自由選擇，鍾意嘅就睇啦。」陳法蓉希望衝擊視后。陳法蓉同唐文龍合照。陈法蓉
陳法蓉希望衝擊視后：有得提名當贏咗！
