唐詩詠東京街頭高調「攬仔」示愛 「錫咗3次」冧到暈視后唐詩詠自去年約滿離巢後，無約一身輕嘅日子過得相當寫意充實，除同朋友約會、四圍飛旅遊外，前段時間過生日嘅佢仲去埋跑山，認真犀利！而感情動態一直空白嘅佢，今日（17日）就喺社交網高調晒出同「新歡」約會嘅合照，並興奮強調：「佢錫咗我3次！」喺東京玩到唔捨得返嚟？攬得好肉緊。唐詩詠喺社交網表示：「約咗小情人，佢錫咗我3次，然後姑姐變家姐，咁我只好叫爸爸。」文尾更不忘Hashtag番「浪漫的東京街頭」，原來係陳山聰一家三口咁啱去咗東京玩，所以就搵埋原本喺東京玩緊嘅唐詩詠食拉麵，而所謂嘅「小情人」則係陳山聰嘅2歲囝囝陳霆軒（Jaco），他鄉遇故知又唔怪得唐詩詠笑到見牙唔見眼咁誇張嘅。笑到見牙唔見眼。他鄉遇故知緊係開心到爆炸啦！唐诗咏
唐詩詠東京街頭高調「攬仔」示愛 「錫咗3次」冧到暈
