楊明莊思明拍拖睇戲 最快要下年先結婚藝人莊思明與男友楊明今日（18日）出席戲院開幕，兩人難得不用開工，可以拍拖睇戲。思明的父親今年2月離世，今日適逢父親節，問到會否分外感觸？她說：「有少少，早幾日係爸爸冥壽，已經開始有啲感覺，好彩呢幾日忙開工，唔會諗太多，但放工返屋企會辛苦啲。」提到她與兩名姐姐為紀念亡父而在左手手腕紋身，她說：「爸爸走咗冇耐就有呢個想法，我哋問醫生攞咗爸爸嘅心電圖，加埋爸爸個名，交畀紋身師去設計圖案，雖然我哋三個人嘅圖案有少少唔同，但意義係一樣。」至於楊明表示看完戲，會與女友齊齊返家食飯，因為今次除了是父親節外，亦是楊媽媽的農曆生日，問思明準備了甚麼禮物給未來奶奶？思明坦言：「冇，因為佢（楊明）都係今日先醒起係佢媽咪生日，當然會準備蛋糕，禮物就等佢新曆生日先送啦！」楊明補充謂思明經常買保健產品給兩老，問到楊父楊母是否錫明思多過錫他？他說：「向來都係，佢哋見到思明會好開心。每次我返屋企食飯，如果思明唔得閒一齊，阿媽就會叫我唔好返去。（想唔想快啲結婚？）想，為咗想食多啲媽咪嘅飯都想快啲，不過最快都要下年。」楊明同莊思明拍拖睇戲。莊思明都想快啲結婚。杨明庄思明
楊明莊思明拍拖睇戲 最快要下年先結婚
