容祖兒為開騷準備喪練歌 司機一句冧到暈天后容祖兒將於7月一口氣開33場騷，為咗做好充足準備嘅佢更係日練夜練，就連搭的士嘅時間都唔放過，就係為咗將最精彩嘅演出呈現畀大家。為咗嚟緊嘅完美演出，真係日練夜練。日前（20日）容祖兒喺社交網晒出一段練歌短片，只見為咗開騷前做足準備嘅祖兒，坐喺後座認真練歌，不過隨着《心淡》唱到副歌位，就連前面揸緊車嘅司機都忍唔住跟埋一份唱，車內氣氛更瞬間變小型粉絲見面會。連司機都忍唔住跟住唱。天后魅力難擋。而容祖兒身邊嘅助理更忍唔住笑道：「說明《心淡》真的很難忍住不跟着一起唱！」之後助理問到司機最鍾意邊首歌時，仲要咁巧合就正係《心淡》，一句：「所有版本的《心淡》都喜歡。」氹到天后即刻心花怒放，笑到勁甜咁多謝司機支持。最鍾意《心淡》。氹到Joey勁開心！容祖儿
容祖兒為開騷準備喪練歌 司機一句冧到暈
