劉佩玥被虐打竟然緊嗌興奮 做足準備等上位藝人劉佩玥（Moon）今日（26日）出席劇集《隱門》宣傳活動，講到在結局周中她會被吳岱融虐打，她稱收到劇本初並不知道跟對方有對手戲，後來得知會被打有點緊張：「我之前喺《隱形戰隊》入面係打人多，今次畀人打，覺得好緊張，因為我好興奮。」她又指終於有一場跟吳岱融的單獨對手戲，而不是群戲，大讚對方對自己很好：「我哋同武指對咗好多次位，鏡頭前佢做到想置我於死地咁，但實際拉扯時佢係冇乜點用力，我隻手係完全冇瘀痕，而且佢又會遷就我角度以防我走光，對我好細心，一Take過完成。」她坦言母親不時向她追問劇情，她都沒有劇透。另外，講到有傳陳詩欣及蔡嘉欣等小花有意離巢，問Moon是否上位在望？她認為機會是留給有準備的人，無論是否力捧或上位，自己都要時刻做好準備。劉佩玥幾時都做足準備。劉佩玥被吳岱融虐打戲份。刘佩玥
劉佩玥被虐打竟然緊嗌興奮 做足準備等上位
