隱門︱黃智雯2分半鐘極速變臉晒演技 揚言預告大結局會更癲！TVB劇集《隱門》轉眼來到結局篇，昨晚（26日）一集中黃智雯2分半鐘內極速變臉晒層次式演技外，她更漸入「癲」境，獲網民大讚黑化後演技更出色。談到角色在結局周大暴走，黃智雯預告：「大結局會再癲啲。」唔使聽對白齋睇樣，都感受到佢對奶奶講嘅嘢幾咁狠。黃智雯飾演的「心月」昨晚黑化升級，她為了撲水向殷老太（盧宛茵飾）埋手，逼到對方碌落樓梯。她不但沒有出手相救，並向半死不活的奶奶狂放狠話：「等你郁唔到，我先慢慢打電話咯。」黃智雯最後確定定奶奶暈倒後即光速扮純情打電話求救，在2分半鐘戲內極速轉換情緒自如，盡顯陰險、無情、癲狂、狠心及偽善等多樣層次。此外她為了博取子喬（陳展鵬飾）的關注竟不惜自殘刀仔鋸小腿，獲網民留言大讚「智雯黑化後演技仲正」。真係齋睇都心寒。玩完一輪狠樣，黃智雯再秒變「純純兔」，難怪網民讚好演技。談到角色在結局周大暴走，黃智雯坦言看到劇本時也Wow一聲，她講到：「去到最後有場戲，佢會還擊佢老豆16巴，我覺得嗰場戲好震撼，相信觀眾會睇得好爽，因為張心月已經忍咗20集。我覺得最後五集唔會令大家失望，今集未算癲，大結局會再癲啲。」笑言沒想到黑化後的「心月」更入屋。見到幻影幻滅後，張心月嘅笑容好癲喪、好心寒。呢招自殘都好一絕。黃智雯預告嚟緊會喪摑吳岱融16巴，密切留意！黄智雯
隱門︱黃智雯2分半鐘極速變臉晒演技 揚言預告大結局會更癲！
