黎耀祥孖麥長青經典還原《西遊記》 鹹濕八戒無變過近年轉戰內地發展嘅3金視帝黎耀祥（祥仔），出道多年嘅佢憑住精湛演技及經典對白，喺觀眾心中留下深刻印象。不過提到祥仔最膾炙人口嘅代表作，相信就非《西遊記》嘅豬八戒，喺唔少90后觀眾嘅童年回憶，而祥仔亦不止一次喺節目上分享拍攝辛酸，厚重嘅戲服同炎熱嘅天氣，除咗要大汗滴細汗外，仲要每次用成2個鍾化豬八戒妝，對體力同耐力要求相當苛刻，唔怪得咁多年過去，祥仔都無再扮過豬八戒造型示人。扮豬八戒真係好辛苦㗎！而日前，受邀手遊代言嘅祥仔，就孖埋三師弟麥長青（麥包）一齊經典重現。2人雖然都年過半百，不過相隔27年再次重演經典角色豬八戒同沙僧，毫無違和之外，就連豬八戒搞笑嘅流口水鹹濕表情，都被祥仔完美還原，勾起唔少劇迷嘅童年回憶。連麥長青都一齊經典重現。今次孖埋三師弟一齊回憶殺。全世界最靚嘅「豬」。真係好性感嫵媚！講到經典重現，又點少得豬八戒呢個表情！黎耀祥
黎耀祥孖麥長青經典還原《西遊記》 鹹濕八戒無變過
