陳山聰為阿仔碌盡人情卡 收訂造電單車Cake威爆視帝陳山聰兒子Jaco於本月1日踏入3歲，廣邀澳門親戚專程來港Staycation兼開生日會，錫仔錫到燶的他，除了把派對房間擺滿氣球，更找來老友為Jaco炮製立體電單車蛋糕，當Jaco見到蛋糕時即表現興奮，還未等及切蛋糕，已忍不住伸脷仔拍照，可愛非常。唔只有親戚，仲有胡蓓蔚！大家都勁錫Jaco。山聰接受東網訪問時，表示派對除了親戚，還有胡蓓蔚及一位圈外好友也有到場，席間壽星仔收到不少禮物，作為爸爸的他當然也給愛子送大禮，透露Jaco極度喜歡電單車，故趁他開始懂事的年紀，特別安排於生日實現：「我個朋友Jimmy好叻做花式立體蛋糕，佢一直都唔應承人整電單車蛋糕，因為實在太複雜，但當知道Jaco好鍾意電單車時，就破例做畀佢，個製成品真係好靚，車頭車尾都着燈，真係又睇得好好食，做爸爸一定做畀佢，不過依家送太多物質畀佢唔太好，蛋糕最直接，佢開心我就開心喇！」蛋糕師連平時唔肯整嘅電單車蛋糕都送畀佢。萬千寵愛。陈山聪
陳山聰為阿仔碌盡人情卡 收訂造電單車Cake威爆
