羅毓儀才華洋溢 為廣告歌獻出第一次「無綫小花」羅毓儀(Yuki)出席公開活動，首次獻唱自己創作的廣告歌，玩盡可愛曲風，以琅琅上口的歌詞叫大家多做運動，對於是次演出，Yuki坦言對歌曲有信心，並表示望歌曲能帶動現場觀眾熱烈反應，她笑說：「呢首歌本身係一首好開心、好愉快嘅歌，錄嘅時候都有啲緊張，監製都有畀意見，話要多啲Energy，要想像自己係唱緊動漫嘅主題曲，好熱血好活潑嘅感覺。希望到時演唱嘅時候可以見到觀眾同我一齊郁一齊跳，傳遞到首歌嘅訊息畀大家。」羅毓儀喜歡唱歌。擁有8級電子結他功力的她，表示曾嘗試過作曲填詞，但創作廣告歌卻是「第一次」:「我覺得創作廣告歌最大嘅難度，就係佢嘅旋律一定要好聽同易記。今次嘅廣告歌其實係想鼓勵大家多啲做運動、郁多啲、健康啲，所以個Melody都係以輕快同埋Catchy為主，希望聽到首歌嘅人可以好似歌詞咁講，一齊『郁多兩郁』！」羅毓儀熱力四射。羅毓儀
羅毓儀才華洋溢 為廣告歌獻出第一次
