JW同朱敏瀚「親近」要同男友解釋：我哋堅定不移

JW同朱敏瀚「親近」要同男友解釋：我哋堅定不移歌手王灝兒（JW）現身無綫慈善節目《明愛暖萬心》，剛與朱敏瀚（朱仔）、周嘉洛及陳瀅飛泰國清邁拍攝旅遊節目返港的她，對於上載與朱仔挨膊頭親密片，令緋聞更加甚囂塵上，JW對此大表委屈：「條短片有我、朱仔同陳瀅，唔知點解報道會變咗得我同朱仔同框，只係角色度問題，朱仔冇挨落我膊頭，當時睇咗報道都唔開心，大家係好朋友，我都有同男友解釋！不過我哋嘅愛情係堅定不移，仲昇華去另一境界。」JW一見到吳業坤即刻Say No！佢要急急同男友解釋。仲爆料朱敏瀚仲係單身。JW澄清緋聞之餘，還指朱仔現時仍是單身，但緋聞仍無損他倆的友誼，更自誇入行以來零緋聞，在場傳媒即取笑她曾與吳業坤傳緋聞，剛巧吳業坤路過，JW見收即大反應表示：「佢唔會喺我個緋聞list度！我嘅緋聞list仍然係零。」JW要公開話同男友堅定不移。明晒。JW