黃心穎見面會終於搞得成心穎自得其樂！

黃心穎見面會終於搞得成心穎自得其樂！黃心穎復出轉型做歌手，被網民封為「樂壇小強」，她早前宣布會舉行粉絲見面會，相隔多年再現真身唱Live。她今日（13日）終於與粉絲見面，更首次現場演繹自己的歌曲和與大家分享以歌手身份再出道的心路歷程。黃心穎即場唱LIVE《Crown Me》和新作《沙包》。她自言作曲填詞帶給她相當大的滿足感，但難以想像個人單曲《Crown Me》要現場跳唱的畫面。而創作過程中，她就大爆與男友泥鯭有分歧：「同泥鯭就多少少分歧，但只係我覺得呢個Vocal Take好過上一個，只係呢啲位上面，但我都係比較聽話，我係好聽話㗎！」至於目標，黃心穎坦言希望邀請到林夕為她填詞：「呢個係夢想，因為一份好嘅詞好似藝術品咁，所以好希望儲到呢分藝術品，但我自己都要進步多啲先。」她更稱想做旅遊主持多於演員：「有時我起身，嘩，唔使早起身唔使返工，嗰種感覺係好幸福，所以要遇到我好鍾意嘅劇本先。」黃心穎終於開得成見面會！心穎自得其樂！黄心颖