陳少邦演奸角不怕被定型 期待「從良」的一天無綫藝人@陳少邦Bond 之前於劇集《法證先鋒IV》及《法言人》中都飾演反派闊少，奸到出汁但角色搶FO，大獲好評。而現時正為《逆天奇案2》拍攝的他，同樣飾演反派，不過少邦坦言一點都不介意，笑言最緊要有戲做、有發揮，觀眾睇到愈肉緊愈好。他接受東網訪問時謂:「係呀！我仲未有機會做好人，其實我都唔介意被定型，好多上咗位嘅小生之前都做過奸角，之後咪又從良，都冇得怕咁多，自己真係好鍾意演戲，監製覺得你適合先會搵你演啫，不過，做演員邊個唔想有多啲嘗試，我都好期待自己可以做啲未演過嘅角色。」此外，昨日少邦於白沙灣碼頭拍攝一場跳海戲份，日前白沙灣附近發現有鯨魚蹤影，問少邦有否見到時，他笑謂:「我都想見吓呀！不過我哋拍攝個位好多遊艇，啲人話條鯨魚都唔會游過嚟！」陳少邦連續多套劇都演反派。行得好有霸氣。昨日於白沙灣拍攝一場跳海戲。好在有替身代跳。認真幫晒手。陈少邦
陳少邦演奸角不怕被定型 期待「從良」的一天
