容祖兒自認典型裙腳女：幾年冇得返屋企好難捱！天后容祖兒《ANOTHER SIDE…JOEY•MY SECRET•LIVE》演唱會第三晚，亦是第一日開放予公眾售票的頭場，現場觀眾驚嘆舞台漂亮機關連連，欣賞她的唱功外，現場充講笑聲、掌聲及歡呼聲，還有求婚聲 ，歡樂無盡。她坦言幾日被歌迷炸爆社交媒體的INBOX，不停要點歌：「唔唱好似大家過唔到人世咁，非常咁瘋癲。」祖兒講到求愛男的小故事後，現場就開始充滿求婚聲：「嫁畀我！」、「我娶你！」及「 I MISS YOU BABY」。到點歌時間，祖兒對觀眾說：「今日見到大家好開心，我覺得今晚每次唱完歌嘅掌聲，係最多最豐富，我完全感受到大家每首歌都聽到入咗心….畀到我好多力量，唔單止掌聲，仲有瘋癲呼叫聲，仲有瘋狂求婚…..哈哈哈….」祖兒坦言過去4的日子自己成長了不少：「今次重臨舊地，4年再可以喺香港大家去開演唱會，過去3年我相信每個人都經歷咗好多，喺全世界全宇宙最難捱時間，我呢個典型裙腳女，冇得返屋企真係好難捱，平時我喺出面點辛苦點難，點多挑戰，我返到屋企就可以充電，但係前幾年要一個人喺出面獨立生活，工作家務都要一個人處理，唔洗衫冇衫着，洗完唔摺張椅就冇位坐，唔吸塵腳就會黑晒…..我為咗有家嘅感覺，連屋企用開隻洗衣液都買一樣，等我洗完衫覺得似喺屋企，朋友問我，你唔睇電視你開住個電視做咩？你傻㗎，一早起身吸塵，然後我先知，係喎，我唔睇電視但係我媽睇，喺香港我每朝阿媽吸塵機聲都係我鬧鐘…冇得返屋企嘅我，就係靠呢啲味道聲音支撐住。今日終於可以重新見到大家，做自己最鍾意嘅事，真係好開心，當日我一個人聽住以下呢首歌跑步，自己歌都打動到自己，落咗兩滴眼淚，以往一直未有時間同大家分享過呢首歌的感受，今日終於都可以，所以請容許我今日唱唯一一首唔係side track嘅冠軍歌 《東京人壽》。人生路上，堅持下去，咬實牙關，所有事都會過，多謝大家咁鍾意呢首歌，冇上電台冇宣傳，舊年一派出來就冠軍歌。」此外，演唱會中，祖兒也無忘恩師羅文，重新編排的《Just for you 》作送給老師的禮物，她說：「音樂對我來說非常重要，陪伴我度過好多脆弱嘅時間，細細個好鍾意王菲 ，大家都知，好多流行歌曲畀咗我養份，多謝喺我人生中出現過的音樂上好夥伴。希望日後我可以繼續為大家提供好多好多好歌，陪伴你哋所有最好時光。 」好夢幻呀！好有意境。Joey好可愛呀！場面墟冚。同團隊開心合照留念。容祖儿
容祖兒自認典型裙腳女：幾年冇得返屋企好難捱！
