馬浚偉幕前學業兩兼顧 攻讀碩士同時備戰開騷藝人馬浚偉今日（16日）出席慈善活動，笑言自己已不再做大使，升級做顧問：「我冇做大使好耐啦，因為依家唔只用藝人身份，都會參與幕後幫手制定，真係要返工㗎。」身份、工作多多的他，除了幕前，也擔任幕後及多項公職，而剛完成3年北京大學課程的他，透露已報讀兩項碩士課程，笑言要追回惜日想追尋的事情：「神學碩士要讀6年，另一個係教育碩士，要返2年實體課，都擔心啲時間安排，唔可以走堂㗎。」問他有否考慮過參加《中年好聲音2》追回歌手夢，他笑指自己從未離開過樂壇：「到時贏咗真係唔好意思，都係留返啲機會俾大家，哈哈！」他又爆將於11月開騷：「今次好特別，唔止唱歌，係沉浸式再加上視覺藝術，有音樂同戲劇治療嘅元素，所以我哋每場得500位唔會太多人，喺舊啟德有個新場做10場。」另談到明年將重演他自編自導自演的舞台劇《偶然·徐志摩》，他表示除了香港站10場外，已有人洽談作巡演：「對方暫定想開50場，走勻唔同地方。」他指早前已與飾演「陸小曼」的葉璇見面，大讚她狀態大好。馬浚偉繼續升學攻讀碩士。11月又開騷。搞作多多！马浚伟
馬浚偉幕前學業兩兼顧 攻讀碩士同時備戰開騷
