下月返港拍劇 張文慈停直播帶貨被誤會情緒出事藝人張文慈（Pinky）疫情期間宣布移居內地發展，負責直播帶貨，由上海、廣州到今年初「落戶」深圳，發展尚算不錯，但由於每次直播時間起碼長達5、6小時，搞到她聲音多次出現沙啞，加上由揀貨、出貨到客戶溝通，她都愛出心出力，結果搞到身心俱疲，最近她終於「投降」，直播期間宣布要「暫別」。想不到消息一出，卻被某些媒體誤以為她情緒出現問題，大字標題報道出街後，令她狂接問候電話：「就連我爸爸同細佬都以為我有事，大家可以放心，其實我係打不死嘅小強，依家唔帶貨住啫，冇話將來再有機會都唔試！不過今次事件令我知道咁多人關心自己，都係意外嘅收穫。」據悉，Pinky將於下月初正式回歸香港，日前更獲無綫監製黃偉聲，邀請客串演出新劇《死有對證》，雙方正接洽中。Pinky坦言：「咁我係演員嘛，一定有戲癮，幾年冇演戲梗係想拍啦，同埋同時間仲有部網大傾緊，如果達成共識，年尾亦要開工。返嚟香港後，我真係要花多啲時間陪屋企人，幾年冇喺佢哋嘅身邊，都真係好內疚。」張文慈只係想畀身體休息而停直播帶貨。不過嚟緊佢就會客串新劇《死有對證》。到時又有得見到佢喇。张文慈
下月返港拍劇 張文慈停直播帶貨被誤會情緒出事
