柯震東又毁容？深夜甫濺血照自爆未求醫台灣男星柯震東去年12月拍劇時遭無人機擊傷，導致破相要縫足30針，當時就已經話佢慘被毁容，好在幾個月後佢又青靚白淨咁見人，繼續男神魅力！點知停工休養2個多月嘅佢，尋日（16日）於限時動態晒出濺血照，連枕頭都留下一大灘血跡，令人觸目驚心，原來係佢家養嘅大狗撞傷佢眉角，結果大噴血，因為醫美診所尋日假日休診，佢要等到今日（17日）就醫先知需唔需要再縫針。柯震東表示愛犬平時好乖，不過因為係大型狗，佢同狗仔玩得太興奮，突然喺佢胸口企起身，猝不及防下撞到眉角，當場噴血，因此搞到手上同枕頭都被血弄濕，今日佢就會去醫美診所就醫。舊年佢已經破相…呢個靚仔樣真係要小心保護。「兇手」就係佢！好大灘血。睇相仲以為咩事！柯震东
柯震東又毁容？深夜甫濺血照自爆未求醫
