黃心穎「安心事件」後首次開歌迷見面會 僅得3人撐場原來唔關人氣事

黃心穎「安心事件」後首次開歌迷見面會 僅得3人撐場原來唔關人氣事 黃心穎（Jacqueline）自「安心事件」後形象插水，今年她宣布以唱作歌手身份復出，不但自資出歌拍MV，短短4個月內便出了2首歌曲《Crown me》和《沙包》，日前更在網上招募粉絲出席歌迷聚會。今日（13日）心穎現身歌迷聚會，除了現場唱live外，亦分享自己以歌手身份再出道的心路歷程，不過意想不到的是，到現場為心穎打氣的粉絲只有3位！ 黃心穎今年2月自資出歌《Crown Me》拍埋MV，排埋舞，有意轉做跳唱歌手！心穎正式復出。一講泥鯭即刻笑笑口 包辦《Crown Me》和《沙包》2首歌作曲填詞的心穎表示，在創作過程中與男友兼RubberBand鼓手泥鯭（黎萬宏）有分歧：「同泥鯭就多少少分歧，但只係我覺得呢個Vocal Take好過上一個，只係呢啲位上面，但我都係比較聽話，我係好聽話㗎！」她亦坦言，非常希望邀請到林夕為她填詞：「呢個係夢想，因為一份好嘅詞好似藝術品咁，所以好希望儲到呢分藝術品，但我自己都要進步多啲先。」 心穎一講泥鯭心情超好。僅得3位粉絲到場 早前黃心穎在Instagram轉載招募粉絲出席粉絲聚會的帖文，並大呼「好緊張」。據悉參加辦法很簡單，只要於帖文下方留言問黃心穎3個問題及tag 2位朋友便有機會被抽中。雖然沒有講會抽出幾多位粉絲，但最後僅得3位粉絲到場撐心穎，並各自捧住「黃」、「心」、「穎」三個字的燈牌，場面望落去都頗為冷清。 3位忠實fans撐場。畫面望落好冷清。3個人原來真係可以盡興翻查資料，以往細貓應智越、曾比特在該網台的粉絲見面會環節中，到場的粉絲人數同樣是只得3名，所以證明了黃心穎只得3名粉絲撐場並非人氣低落導致場面冷清！ 細貓應智越舉行歌迷聚會時同樣只得3名現身。在內地人氣爆燈的曾比特都有同樣情況。心穎唔願做演員 「安心事件」令心穎形象受到重創，重頭劇《法證先鋒IV》女主角之一的她亦被逼臨時換角，改由湯洛雯頂上兼重拍相關戲份，而她3部主演的《丫鬟大聯盟》、《牛下女高音》和《堅離地愛堅離地》都因此要作出調動。事隔4年，心穎坦言相比起演員，更加想做旅遊節目主持：「有時我起身，嘩，唔使早起身唔使返工，嗰種感覺係好幸福，所以要遇到我好鍾意嘅劇本先！」 黃心穎原來係《法證先鋒IV》女主角之一。黄心颖#黄心颖见面会只有三个粉丝#