獨家丨張偉文發燒入院方俊牀邊鼓勵：要爭氣 去年兩度「中招」身體大不如前獲「靚聲王」張偉文鼓勵參加《中年好聲音2》海選嘅經理人方俊(Aman)向來尊師重道，仲承諾會一世照顧張偉文。前天方俊陪張偉文飲茶時，發現張偉文精神、胃口欠佳在發燒中，因而馬上推他返回老人院院舍，並知會老人院call十字車送他入院，幸而現已退燒，並回恢復精靈。文：方騫平方俊經常陪張偉文飲茶。有時仲安排他見吓fans，有精神寄託。老人家有嘢食就最開心。張偉文好有「食力」。前天張偉文身體開始不適，冇晒胃口。冒住8號風球到醫院探望方俊昨天冒住八號風球到醫院探望：「今次輪到我同佢打氣，我叫佢爭氣，一定要唱返歌娛人娛己。」醫護指張偉文已退燒，院方正等待驗血及驗尿報告，了解發燒起因，所以要多留院幾天觀察，但唯一排除係再中新冠肺炎及患上流感。昨天方俊冒住8號風球到醫院探病。好彩張偉文退咗燒後有啲精神。方俊指70歲嘅張偉文去年兩度「中招」後，身體狀況大不如前，尤其記憶力時好時壞，需要特別護理，他出錢出力，已安排偉文轉往另一間較多人手及較新淨嘅護老院，希望他得到更多適切照料：「舊老人院院舍人手緊張，理唔到老人家太多，未必即時會發現到佢生病，所以無論偉文係咪有病，平日佢都會係咁瞓。」同時，方俊希望能順利晉身《中年2》100強，令張偉文睇到愛徒嘅表演。张伟文#方俊牀#
獨家丨張偉文發燒入院方俊牀邊鼓勵：要爭氣 去年兩度「中招」身體大不如前
