王鎮泉越南採訪港姐外景拍攝 全程唔敢亂郁驚跪玻璃無綫娛樂主播王鎮泉（泉泉）近日隨隊出發，前往越南採訪本屆港姐外景拍攝，機會令人既忌且羨，尤其泳裝拍攝，他更成為「第一批觀眾」，不過泉泉卻搞笑謂﹕「嗰日我就同晒咁多位著住泳衣嘅佳麗做訪問，全個過程都要好小心，上半身唔敢亂郁，另一隻手長期擺後面，費事返屋企要同老婆跪玻璃呀，哈哈﹗」王鎮泉前往越南採訪本屆港姐外景拍攝。機會令人既忌且羨。口才了得的他，更大方向眾佳麗傳授訪問技巧﹕「希望佢哋返到香港後會表現自然啲，答問環節亦可以唔好咁生硬，不過我個人覺得幾位佳麗好似陳曉彤、莊子璇、鄧凱文及毛志琛等，本身講嘢已經好叻且轉數快，而黃泳嘉、姜依宁及梁倩淇等，就進步得好快，由參賽開始已判若兩人。郭珮文外型好似好酷咁，但原來好有喜感及好幽默。」成為「第一批觀眾」。全個過程都要好小心。泉泉又透露拍攝過程中，目測王怡然最受歡迎﹕「佢好sweet同好開心嘅，發售T恤拍攝時風頭係最犀利嗰個，啲旅客好似蜜蜂嘍蜜糖咁。」他指16位佳麗各有優點，鹿死誰數不妨拭目以待。#王鎮泉#
王鎮泉越南採訪港姐外景拍攝 全程唔敢亂郁驚跪玻璃
