蔡思貝獲徐肇平飛歐洲力追 監製稱男方為節目嘉賓視后蔡思貝最近獲黃淑儀兒子徐肇平力追，為打動思貝芳心，不惜豪擲5位數飛到歐洲貼身照顧，陪同拍攝節目《貝遊歐洲》。《貝遊歐洲》監製吳國華回應徐肇平為追蔡思貝自費跟去歐洲：「今次節目拍咗9集，所以出發前整個製作組商量好，搵咗蔡思貝三位相識超過10年的異性好友一齊拍攝，其中一個就係徐肇平，之前冇公布，因為諗住播出時畀個驚喜大家，節目中會講佢哋偶遇。當日徐肇平係同大家一齊出發，機票同酒店都係公司安排，而唔係佢自費。」蔡思貝2013年參加港姐入行。蔡思貝被傳獲徐肇平自費5位數飛歐洲力追。徐肇平亦有回覆東網：「首先，我沒有自掏銀包，公司有糧出畀我的，因為這次是工作trip。還有我們是識咗超過10年的朋友而已。我去歐洲客串了一集，其餘時間我都是在做自己的事情，例如探自己的朋友和去上烹飪班。我們是2013年認識開始做朋友的，那時候Sisley參選Miss Hong Kong，我就嚟香港居住發展娛樂圈事業。」惟蔡思貝2013年參加港姐先入行，至今仍未有10年，二人相識時間點仍然存疑。而二人緋聞始於2016年，男方曾被拍得現身思貝拍攝劇集《心理追兇》嘅現場探班，期間更雙雙消失一小時。雖然二人曾「失聯」一段時間，不過今年3月徐肇平生日，思貝與其他友人上門為佢慶生，當日黃淑儀亦喺現場，可見關係非淺。二人2015年先認識，但監製稱徐肇平係以「相識超過10年的異性好友」加入拍攝。唔知徐肇平有冇嘢講呢？蔡思贝
蔡思貝獲徐肇平飛歐洲力追 監製稱男方為節目嘉賓
