JW一日食兩餐Keep Fit：明白有紀律好重要！

JW一日食兩餐Keep Fit：明白有紀律好重要！歌手JW（王灝兒）今日（5日）出席活動，現場獻聲唱3首歌，令觀眾聽出耳油，她透露早前與男友到日本大阪旅行，但錯過賞櫻時間。近期愛上做運動，一周做3次Pilates及打兩次網球：「終於明白到有紀律係好重要，令身心健康，飲食保持一日兩餐，4、5個小時內食兩餐，比16/8再激進啲。」她稱磅數冇太大上落，但增肌令她看來纖瘦，她透露工作同樣好有規律，都按着時間表前進、8月底便會推出新歌。提到好友周嘉洛擔正的《寵愛Pet Pet》正在熱播中，她表示有捧場睇，因本身鍾意小狗，問她知否嘉洛拍劇經常爆肚？她說：「佢成日爆肚，佢真係好叻，節奏快轉數又快，佢加嘅嘢令到成件事再有趣啲。」問她可學到爆肚？她說：「梗係得，講笑！要慢慢學。」她透露拍《痞子殿下》，因第一次拍劇，轉數較慢，拍《痞子無間道》同陳瀅、周嘉洛和朱敏瀚一齊加對白，感覺好玩。談到閨蜜何超蓮早前傳懷孕，她表示自從超蓮婚禮後未有見面，笑言：「咁我要即刻問吓佢先。」JW一日食兩餐Keep Fit。JW明白有紀律好重要！JW