林盛斌潮玩Barbie換面被圈中好友輪流串最近電影《Barbie芭比》Hit到爆，連帶Barbie換臉生成器亦成為圈中人潮玩app，將自己變成Barbie及Ken，幾乎個個換完臉之後都被讚靚，有見及此林盛斌（Bob）都不輸蝕玩埋一份，不過，效果呢就非常爆笑，他將相片放上網，並自嘲：「想點呀大佬…同人哋嗰啲爭咁遠嘅喂？」阿Bob話：「我係Bobbie！」扮阿Ken還可以。扮Barbie就不了！「驚」人效果吸引大量留言，蕭正楠搞鬼謂：「大佬呀，就快七月十四，唔好嚇人啦」，Bob即時以「頂你」反擊，蔣家旻都忍不住話：「想點啊大佬，唔好迫我錘你先得架！」Bob笑言：「隨便，因為你係反骨琪。」而胡定欣較為溫和：「第二個造型將會係你下一個角色。」Bob乘機問她：「你係咪同我飾情侶先？」網民全部一致是笑到喊的emoji，有人話Bob變成Barbie後，應該叫Bobbie，又話看完Bob的造型後發現套戲原來是恐怖片，反問Bob會不會令到票房下跌，不過，有人指當Bob變得有頭髮及瘦了之後反而沒有原本好看，但最難得是仍保持到個雙下巴，真是不知是讚還是彈，仲話變成Ken的Bob竟然跟李克勤及歐陽震華撞樣呢！萧正楠林盛斌
林盛斌潮玩Barbie換面被圈中好友輪流串
