陳家樂晒同曼聯名宿維廸合照 夢想個仔入紅魔近日曼聯U16來港作賽，名宿維迪亦隨團來港。身為「波牛」陳家樂獲邀到場觀賽大感興奮，甫見維廸即化身粉絲，向對方要求合照及簽名，事後更於社交平台分享相當照片，認真威水！家樂受訪表示：「平時真係好少機會見到呢啲球星，今次竟然可以同佢交流，估唔到佢極度高，而且好大隻，我只係到佢下巴咋，雖然退咗疫但依然Keep得好好。」家樂笑指小時候也曾幻想可以加入曼聯踢波：「不過始終未有機會接受過正統嘅專業訓練。（有囝囝就叫佢完成自己嘅夢想？）都要睇吓佢有冇天分，不過一定會同佢玩吓，睇吓有冇呢方面嘅才能，其實踢1、2年就知道啱唔啱佢喇。」他直言期待「父子兵上陣」畫面：「我有同學每逢我哋練波，就會帶埋兩個仔一齊嚟，成件事好開心，梗係想自己都有咁嘅一日啦。」陳家樂終於可以同曼聯名宿維迪合照～變成小粉絲索簽名。家樂係死忠曼迷。着埋新一季波衫。佢都想第日小朋友幫佢圓夢！不過要睇吓佢有冇天分。陈家乐
陳家樂晒同曼聯名宿維廸合照 夢想個仔入紅魔
