周潤發曳曳「偷跑」被斷正 憔悴背影令人憂心影帝周潤發上月底跑步時發生意外，雙手手掌多處被石頭𠝹損流血，更因側身落地，令左邊身第4條肋骨出現骨裂，就連呼吸大力少少都會痛，而醫生亦千叮萬囑，要暫停跑步2個月。不過周潤發貌似就懶理醫生吩咐，受傷翌日如常出席港大活動外，最近仲畀網友野生捕捉到佢無聽醫生話之餘，竟然曳曳「偷跑」！周潤發去到邊，跑到邊！7月底，畀醫生下令暫停跑步2個月嘅周潤發，竟然畀網友捕捉到佢標誌性嘅全黑跑步Look，網友更喺社交網興奮透露，喺茫茫人海中一眼就認出周潤發，並激讚周潤發氣勢驚人：「剛好遇見了運動完的發哥，直接就跟我們合照！太棒了！」雖然周潤發望落依然親民，不過氣色望落就無以前咁紅潤健康，雙眼無神甚至有啲疲倦憔悴，而另一張嘅背影照中，相比昔日嘅身手矯捷，如今嘅周潤發更要扶住扶手落樓梯，認真令人擔心健康狀況。未夠2個月就「偷跑」，真係唔聽醫生話！令人擔心。周润发
周潤發曳曳「偷跑」被斷正 憔悴背影令人憂心
