視帝陳展鵬美國開演唱會　唱足兩個鐘粉絲迫爆爭握手合照

視帝陳展鵬美國開演唱會　唱足兩個鐘粉絲迫爆爭握手合照視帝陳展鵬早前剛完成美國西雅圖的《Summer Dreams陳展鵬演唱會》，取得空前成功，冇錯，不是簽名會、見面會，的確是演唱會，從展鵬與一班「好鵬友」（陳展鵬粉絲專稱）的大合照所見，場地迫到插針都針唔入，展鵬絕對紅到去美國！展鵬早前宣布8月6日在美國西雅圖Snoqualmie Casino的Ballroom舉行演唱會，票價最貴是美金129.99（約港幣1016元），而最平的門票則賣美金79.99（約港幣625元）。雖然演唱會的海報設計曾被嘲有「亞視味」，但一樣不影響銷情，開賣不久已售出九成，而在演唱會舉行當日更是爆滿。展鵬的演唱會海報曾被嘲再現「亞視味」，但仍無礙銷情。（IG@rucochan）展鵬在社交平台貼出花絮片，他唱出《好歌獻給你》等歌曲，又走到台邊與大家握手，以及落台跟粉絲合照。見現場座無虛席，而且有握唔到手的觀眾，連膝頭都唔放過，乘機摸視帝膝頭，相當搞笑。展鵬就表示今次只得兩小時跟粉絲見面實在太少，又說：「30個鐘嘅飛機來回，遇見兩小時，實在太少！謝謝你們給我的熱情和支持💪🏽西雅圖我好快會再來😄期待新場館👍🏻」陳展鵬在美國開演唱會，唱足兩個鐘！（IG@rucochan）「好鵬友」迫爆場館，場面墟冚！（IG@rucochan）不少「好鵬友」都希望他下次去溫哥華、多倫多、紐約、馬來西亞等地，更問他何時開香港演唱會。其實展鵬雖然主力以戲劇發展，但一直有個歌手夢，他98年曾獲蘇德華賞識加入寶麗金，可惜公司因金融風暴被收購，展鵬被解約令其音樂夢碎，近年仍偶有機會演唱劇集主題曲和插曲，過一過歌手癮，例如《城寨英雄》主題曲《乘風》、片尾曲《從未知道你最好》、《巨輪II》主題曲《誰可改變》等，部分歌曲更相當入屋。展鵬在美國有好多fans！（IG@rucochan）陈展鹏