岑麗香瞓身展實力 Fit爆身形倒出來藝人岑麗香日前與4歲半大的兒子齊齊參與「身心動力PowerUp親子瑜伽班」活動，與多位家長及小朋友同場進行。首次跟囝囝一起做瑜伽的香香備受考驗，皆因剛由加拿大探親回港的囝囝，因未適應時差關係，全程十足小樹熊般黐實香香，可愛度爆燈。向來熱愛瑜伽的香香直言：「暑假咁熱，最好參加室內活動，嚟做瑜伽真係好舒服，又好玩。我一直喺屋企都有做瑜伽，囝囝見到會好奇一下，我都會問佢哋想唔想join。」仔仔最開心。母愛真偉大。親子樂最開心。活動期間受時差影響的囝囝睡眼惺忪，全程攬實香香，香香一臉慈母表示：「其實我冇expectation，因為佢咁細個，目標唔係要做到完美動作，反而想佢可以同我做吓運動、開開眼界，畢竟我哋剛由加拿大探親返港，佢仍有少少jet lag，今朝凌晨四點已起身，所以表現算非常叻叻！」提到貴為兩子之母身型依然fit到漏，香香笑說做媽媽頻頻撲撲，又時常要抱小朋友，每天谷出最大運動量，絕對是收身良方。岑麗香熱愛運動。岑麗香擁有美好身段。岑丽香
岑麗香瞓身展實力 Fit爆身形倒出來
