結束18年關係︱黃祥興離巢無綫：有另一手準備藝人黃祥興今日（18日）突然宣布同合作足足18年嘅無綫結束賓主關係，令人震驚：「眨吓眼18年！我成日希望有機會在台上講呢幾句由衷說話，不過相信現在只有喺我呢個平台講了！好想多謝樂小姐，珍姐，多謝你們多年的栽培和照顧。多謝台前幕後咁多位同事，好多謝用過我嘅監製，希望大家保持身體健康，繼續工作愉快！我會畀心機行一條新路，相信有緣江湖再見👋🏼」黃祥興接受東網訪問時坦言時間過得很快，已經在無綫18年了，現時有3個小朋友的他，終於要出外闖，他謂：「依家要積極少少，唔係好似以前咁舒服，之前喺公司的確好穩定、有安全感。」問他之後有甚麼計劃時，他坦言會繼續做娛圈工作，另外都會做一些生意，祥興又笑謂：「坦白講，依家咁多英俊小生，我呢啲中年要讓一讓位，坦言講娛樂圈都唔會做一世，所以自己都會諗吓一啲生意同其他項目，有另一手準備係好嘅。」黃祥興同無綫已合作18年。依家佢就笑指人到中年要讓位。仲已經有另一手準備！#黄祥兴#
結束18年關係︱黃祥興離巢無綫：有另一手準備
