胡定欣熱愛運動 未有勇氣參加健美小姐藝人胡定欣以得獎者身份現身十大健美名人頒獎禮，其餘得獎者包括栢天男、倪晨曦、姜皓文等。定胡表示對獲獎感驚喜：「我係由《城寨英雄》呢套劇開始健身，因為套劇有好多動作戲，而且戲服又好貼需要練好功夫同體能，當時真係好辛苦，我以為自己有啲運動底，但原來我個底係零，我當時每日拍攝前都要去訓練，人生未試過咁勤力做運動，後來開始練到有馬甲線同腹肌，之後就一直保持住做運動，依家每星期至少會做2日。」胡定欣悉心打扮出席活動。問到有否想過參加健美小姐選舉？定欣稱見到身邊不少女生參加，很佩服她們對每一格肌肉的極致追求，並為此在食量、作息及訓練上所作的犧牲，她自問未必有勇氣做到，至於會否要求男友有健美先生身形？她說：「我會欣賞，因為我知道唔容易，欣賞佢哋嘅堅毅，不過如果做男友又唔需要咁，安全感唔係來自肌肉，而且我驚唔夠對方勁同堅持。（食嘢又要好克制？）係囉，作為女友見到對方咁會好心痛。」胡定欣愛上做運動。胡定欣
胡定欣熱愛運動 未有勇氣參加健美小姐
