張曦雯露背晚裝鬼火咁靚 唔敢紅地氈搶港姐風頭無綫女神張曦雯（Kelly）昨晚（27日）為港姐擔任最上鏡小姐評判，Kelly為了不搶港姐們的風頭，相當低調，原來她穿了一條白色超靚的晚裝裙出席，裙的側邊剪裁特別，後面露背之餘更有多隻蝴蝶點綴，簡單又優雅。Kelly接受東網獨家訪問表示：「尋晚我做評判，好多嘢都要好謹慎，力求公平公正，之前要做Briefing，行程好密，所以冇行紅地氈。自己選完華姐都有10年，中間都有出席好多選美活動，都會好開心，諗番以前自己選美時，有點感觸，佢哋真係好有勇氣踏出呢一步嘗試，我聽佢哋對白我都好佩服，如果係我我可能呆咗喺度唔知點答！AI變老嗰一PART自己都好感動，差啲滴咗眼淚出嚟。」她又指三甲都很突出，但本來她都以為（2）黃泳嘉會入到5強，事後都大感意外，她謂：「王怡然我哋一致都覺得佢好上鏡，陳霈錤表現都好好，我都好意外佢冇入3甲。」Kelly呢件露背晚裝真係好靚！好有仙氣。佢都唔敢行紅氈，以免搶風頭！再選都唔會輸。三甲係咪佢心水。張曦雯Kelly张曦雯
張曦雯露背晚裝鬼火咁靚 唔敢紅地氈搶港姐風頭
