楊茜堯冧賀老公牛一 羅子溢識做：你們快樂所以我快樂藝人羅子溢早前身在馬來西亞拍攝新劇《家族榮耀之繼承者》，視后太太楊茜堯就帶埋兩名小寶貝探班兼旅行。不過享受完家庭樂又要分開，依家楊茜堯同仔女就已經返港，雖然今日係羅子溢39歲正日生日，但楊茜堯依然好有心，越洋出post賀老公牛一，晒出頭貼頭合照，留言：「又老一歲啦，老公生日快樂❤️，祝你永遠都開開心心，身體健康❤️」又笑佢係「39歲的小朋友🧒🏻」，認真冧爆！而羅子溢都好識做，即使拍攝忙碌，都即刻回覆老婆：「我愛你❤️你們快樂所以我快樂。我唔喺香港嘅日子辛苦你了。😘」唔使見面都有晒粉紅色泡泡，恩愛到暈。楊茜堯月頭飛馬來西亞探班，今日正日只可以越洋賀老公。羅子溢梗係收到晒！杨茜尧罗子溢
楊茜堯冧賀老公牛一 羅子溢識做：你們快樂所以我快樂
