曹永廉自嘲手腳唔協調　做過心臟手術避免激烈運動

曹永廉自嘲手腳唔協調　做過心臟手術避免激烈運動@曹永廉Raymond （阿廉）在無綫劇集《破毒強人》中以神秘角色現身，阿廉要去到劇集中段才出現，戲中雖然與蕭正楠、張曦雯聯手對付陳豪與胡定欣，但角色卻忠奸難辨，難以看透。劇中有不少動作戲的他說：「今次有槍戰、動作戲，以前古裝就拍得多，但近年就好少拍，其實我動作戲係好差，手腳唔協調。」阿廉又自嘲年紀大機器壞無意多拍動作戲：「年紀大，早幾年又做過心臟手術，跑幾步喘氣，可以嘅話就少啲激烈啦。」阿廉與阿蕭平時經常互窒，觀眾相當受樂，但今次角色卻相當正經，不苟言笑，他說：「今次同阿蕭嘅對手戲都係正正經經，但係一停機就亂噏。」近期他除了到內地登台與擔任阿蕭演唱會嘉賓外，亦多抽時間打理內地的宣傳公司增加「安全感」，他說：「搵多幾條出路，淨係拍嘢又唔夠安全感，會分啲時間喺內地發展。」曹永廉自嘲手腳唔協調。曹永廉做過心臟手術，依家避免激烈運動。小心身體呀！曹永廉於《破》劇中角色忠奸難辨。曹永廉（左）同蕭正楠平時經常互窒。曹永廉