黃心穎罕晒海景豪宅 停工4年依然富貴藝人黃心穎被爆疑奉子成婚，繼早前正式入紙申請註冊結婚後，生活一直低調，直至日前被影到同準老公泥鯭放狗時戴嘅大鑽戒，以及近日激罕喺社交網晒出屋企無敵大海景，睇嚟準人妻黃心穎隨着結婚嘅日子逼近，心情同樣靚到爆燈。向來沈迷買樓投資嘅黃心穎，於2017年5月斥資855萬港元買入啟德新樓盤天寰，之後更同家姐黃心美合資買入油塘Ocean One，甚至喺加拿大都有物業揸手；直至去年出售啟德天寰單位，套現1千萬港元後，再花110萬買入油塘單幢物業一個車位。雖然黃心穎受醜聞影響零收入，不過依然周身名牌嘅佢，生活質素可以話係絲毫未受影響，至於出身自小康之家嘅泥鯭，事實上都有唔少家底，手上更揸有「居屋王」之稱嘅富榮花園600呎單位，認真架勢！黃心穎多層樓揸手，根本唔憂做。日日望住呢個海景羨慕死人。黄心颖
黃心穎罕晒海景豪宅 停工4年依然富貴
