張學友宣布12月開啟紅館騷 重提馬國演唱暈倒：有心理影響！歌神張學友今日（17日）在尖沙咀舉行《張學友60+巡迴演唱會香港站》記者會，宣布今年12月假紅館舉行10場個唱，相隔5年再踏紅館的學友，坦言每次在香港開騷都特別緊張，皆因大家及自己都對自己要求特別高，而今次就較好，因為之前已經做了45場巡唱，累積了一些經驗，所以比較有信心。記者會以船寓意啟航，大會致送了一個「友」字字畫給學友，學友笑言要趁樓市低買層樓去擺放這個字畫。之後學友邀請團隊上台分享，他自稱是問題製造者，並感謝團隊實現這個夢想。司儀重提學友在馬來西亞開騷時因耳水不平衡在台上暈倒，學友表示：「諗番起都暈暈哋，都有啲心理影響，轉圈都驚驚哋，希望快啲克服到，做咗數以百計場次演唱會，喺舞台上耳水不平衡係第一次，今次算係一個挑戰，好彩大步檻過。」講到演唱會有甚麼挑戰？學友表示：「嚟緊嘅挑戰唔知做唔做到，自己愈來愈麻煩，好感激團隊，我只係做我自己嗰Part，大部分都係交畀團隊，好多跟咗我好耐，佢哋好辛苦。」期間演唱會監製大讚學友暈倒像海浪仍堅守演出，十分專業。學友12月開紅館騷！學友話依然緊張！大合照～啟航喇！學友重提馬國開騷暈倒一事。张学友#张学友60+巡回演唱会#
張學友宣布12月開啟紅館騷 重提馬國演唱暈倒：有心理影響！
